Şuşaya Qalxım Şiiri - Sevinc Arzulu

Fələk bu hesabı yıxılıb, qurub,
Yaşanmış günlərim çıxılıb, vurub.
Doğrular bir küncə sıxılıb, durub
Yalançı ümidlər ayağa qalxıb.

Qapını döyənlər, neynəsin, çoxdur,
Neçə növ bitibdir meyvəsi, çoxdur.
Həsrətin qəm adlı meynəsi çoxdur,
Ağ üzüm dərmişəm tək bircə salxım.

Qarabağ adlanan yarı bağışla,
Kamanı bağışla, tarı bağışla.
İlahi, bir hava şarı bağışla,
Üz tutum səmaya, Şuşaya qalxım.

Dərdim var,a dostum, dərdindən betər.
Bu qədər şəhidlər vermişik,yetər
Bülbülün elində bayquşlar ötər,
Qarabağ çağırır, ay mənim xalqım.
07.05.2019