Susan oldu qezel Şiiri - Sevinc Arzulu

Sonu vüsal olmadı ki bu uğursuz məhəbbətin,
Öldü bütün ümidlərim,bax,yerilə yeksan oldu.
Səni əldən alan fələk bilmirdimi günah edir,
Yaman yağdı göz yaşlarım,aşıb-daşan leysan oldu.

Bircə bileydin nə qaldı səndən mənə ey bivəfa,
Kim deyir bu ayrılıq mənim üçün asan oldu.
Görməz oldum dünyanı,eşitməz oldu qulağım
Gör o zalım əğyarı,necə qapı pusan oldu.

Səninlə bağlı olan şipşirin bir xülyadayam,
Xatirən əbədilik danışmadı, susan oldu.
Indi sən haqq dünyada,mənsə nahaq dünyadayam,
Bil ,məni intihardan qoruyan tək ad-san oldu.