Şuşada qaldı Şiiri - Sevinc Arzulu

Dərmanlar dərmanı havası, suyu,
Çılpaq qayaların yağışmı yuyur.
Tənha qaldığını anlayır, duyur
Ürəyim o gözəl guşədə qaldı,
Mənli xatirələr Şuşada qaldı.

Yarəb, düşmənimiz olsun bağrı qan,
Kimsəsi qalmasın əlindən tutan.
Səsimi eşitsin uca Yaradan,
Əksimiz ayna tək şüşədə qaldı.
Mənli xatirələr Şuşada qaldı.

Həsrətdən az qalır ürəyim yana.
Nəfəsim tıncıxa, ruhum dayana.
Görən salamatmı yaşıl Topxana,
Qaragöz ceyranlar meşədə qaldı.
Mənli xatirələr Şuşada qaldı.
26.10.2017