Sülhün şefeqi Şiiri - Sevinc Arzulu

Bax, gözəl peyzaj verir,
Yeddi rəng miraj verir.
Dünyaya mesaj verir,
Daim sülhün şəfəqi.

Işığını gur edər,
“Segah” edər, “Şur” edər.
Qaranlığı nur edər
Dostum,sübhün şəfəqi.

Ay yuxudan doyanım,
Səninlə bir oyanım.
Günəş rəngə boyanıb,
Sarı zülfün şəfəqi.

Görüş hicrə çaradır,
Xarüqələr yaradır.
Özü tək qapqaradır,
Gör ki zülmün şəfəqi.

Bağrım başı sökülər,
Gözümdən yaş tökülər.
Yeraltına çökülər,
Yəqin ölmün şəfəqi.