Sözüm üste Şiiri - Sevinc Arzulu

Nə gəlirsən gecə-gecə,
Almayırsan vecə-vecə.
Kəlamları incə-incə
Endirirsən sözüm üstə.

Həsrətinlə barışıram,
Xatirənə qarışıram.
Soyumağa çalışıram,
Benzin tökmə közüm üstə.

Dastan oldu Əsli-Kərəm,
Qovuşmadıq .Vəsli kəməm.
Bilirsən ki əsirgəməm
Nə istəsən gözüm üstə.

Izn ver, xatirən qalsın,
Qəlb telimi hərdən çalsın.
Üstünü qar-yağış alsın,
Ayaq qoyma izim üstə.

Atam-anam əzəl şerim,
Yanlarında məzar yerim.
Qəbirləri ocaq-pirim,
Sürünərəm dizim üstə.