Sözüm önünde Şiiri - Sevinc Arzulu

Arayıb axtarar, külümü tapmaz,
Günəş də isitməz közüm önündə.
Mənim ən sevdiyim gülümü tapmaz,
Əğyar da əriyər sözüm önündə.

Bilirsən, vüsalı təkcə qoymadım,
Yad-yalan sözlərə daha uymadım..
Hicranın maskasın nahaq soymadım,
Kölgəsi arxamda, özüm önünüdə.

Həsrətin odunda durammazsan ki,
Uçan eşq sarayın qurammazsan ki,
Düz, hamar yolumu burammazsan ki.
Daş da tab gətirməz dözüm önündə.