Sözüm oldu Şiiri - Sevinc Arzulu

Getdiyin yollara qurbanam,ata
Həstərin,hicranın nə uzun oldu?
Canından ayrılmış bir canam,ata,
Ürəyində qalan nə sözün oldu.

Sənsiz bil ki mənim dünyam qaraldı,
Yaşıl ağaclarım soldu,saraldı.
Bahar ürəyimi duman,qar aldı,
Sənsiz ağlar qalan cüt gözüm oldu.

Elə bilirdim ki arxamda dağ var,
Indi başım üstdə əsir ruzigar.
Şəkillərin qalıb mənə yadigar,
Məndən yadigarsa bu sözüm oldu.