Söz kesib Şiiri - Sevinc Arzulu

Ey insanlar,bu qəmi məndən alın,
Aramıza keçilməz körpü salın.
Qaçırsam da başaçıq,ayaqyalın
Sənə doğru yollarımı köz kəsib.

Oxunmaqdan qəlb dəftərim cızılsa,
Göz yaşlarım axıb-axıb durulsa,
Ümidlərim çilik-çilik qırılsa,
Demək kimsə cadu edib,göz kəsib.

Nədən yenə qəm qoxuyur bu hava,
Aralıqda qaldı vüsal binəva.
Axır sülhnən bitən oldu bu dava,
Qılıncımın qabağını söz kəsib.