Sor Şimaqî Şiiri - Mehmet Çobanoğlu

Darê selwîyan bejna te
Çiqilên narîn zenda te
Bê guman tu zehf bedewî
Ev canê min qurbana te

Roja sibê xwe da ser te
Morî-mircan diranê te 
Gul bi te ve xwe xemiland
Kezeba min qurbana te

Qîr û qetran wek porê te
Li sor şimaqî serê te
Birû yên te, qey hîvikin
Ev rihê min qurbana te

Lê her kes jî heyrana te
Dibiriqin her çavên te
Dilê min ji li te tijî
Ev emrê min qurbana te

Wele min sond xwar li bo te
Ez hêvî dixwazim li te
Xwe ji min pir dûrnegire
Ev serê min qurbana te

Mehmet Çobanoglu
20.08.2023
Stenbol