Sonuncu tekan Şiiri - Sevinc Arzulu

Dilimizdə vəslin adı,
Unudulmaz şirin dadı.
Alovlanır sevda odu,
Dostum, sönməz vulkandımı.

Yay çıxıb artıq oxundan,
Ayılmısan daş yuxundan.
De, nədir səni qorxudan,
Yol üstəki tikanmıdır.

Torpağında göyüş yeri,
Yanağında öpüş yeri.
Yox olacaq görüş yeri,
Axırıncı imkanmıdır.

Gözlərimdə bir şeirsən,
Dostum, nə göysən, nə yersən.
Ürəyinə salma dersən,
Ürək bağlı məkanmıdı

Deyən vüsal xərifləyir,
Ayrılığı tərifləyir.
Qəlbim deyən zəifləyir,
Bu sonuncu təkanmıdır.