Son söz ellli yaşındı Şiiri - Sevinc Arzulu

Yağış izini örtdü,
Torpaq dizini örtdü.
Vüsal üzünü örtdü,
Ayrılıqdan yaşındı.

Özüyçün gedir zaman,
Heç vermir bizə aman.
Haray-həşirdi yaman,
Yaram yeri qaşındı.

Buraxıb cah-cəlalı,
Sevdim dərdi-məlalı.
Gördü başım bəlalı,
Qəm fikrindən daşındı.

Üstünə hey su damır,
Dərd unum oldu xamır.
Yupyumşaq yaşıl mamır,
Bu qayanın,daşındı.

Mən tarixə davamam,
Qocalığı qovamam.
Sən ha de ki cavanam.
Son söz əlli yaşındı.