Sol küncüm Şiiri - Sevinc Arzulu

Bağında ərik olmadı,
Dağda üzərrik olmadı
Bir dəfə şərik olmadın,
Sevincimə, sevincimə.

Şeirə ad olduğuma,
Gülərüz, şad olduğuma.
Bu qədər yad olduğuma,
Gəl incimə, gəl incimə.

Deyən yaşamdan doyubdu,
Vüsalın gözün oyubdu.
Nədən fələk əl qoyubdu
Ən dincimə, ən dincimə.

Sən yarının bir danəsi,
Sevdasının nişanəsi,
Nə olar ki qum dənəsi,
Dön incimə, dön incimə.

Dəli sellər yolu vurdu,
Qopdu tufan, dolu vurdu.
Əzrail də qolu vurdu,
Sol küncümə, sol küncümə.