Sıxlaşıbdır buludlar Şiiri - Sevinc Arzulu

Başım üstdə sıxlaşıbdır buludlar,
Ildırımlar çaxacaqdır bu gecə.
Bir-biriylə qoxlaşıbdır buludlar,
Göydən yerə axacaqdır bu gecə.

Ildırımın işığında azmaram,
Tez çataram aradığım məkana.
Demirəmki daha şeir yazmaram,
O da baxır tale verən imkana.

Odamızın hər tərəfi tökülü,
Əyilib də birər-birər yığan yox.
Adamızın irz-şərəfi çökülü,
Zəmanənin varlığına sığar? Yox.

Taleyimin məngənəsi daralıb,
Sıxılmışam, gəlməyir ki nəfəsim.
Səmam yenə göz görəsi qaralıb,
Yaşamağa qalmayıb ki həvəsim.

Ayaqlarım yer üzündən üzülər,
Addımlarım qarışqaya yük olar.
Göz yaşlarım damcı-damcı süzülər,
Həyatımın asıldığı tük olar.
11.04.2019