Şirvan Kürdemir Şiiri - Sevinc Arzulu

Alqışlar altında don,
Bu da final.Bu da son.
Olacaqdır çempion,
Bizim Şirvan Kürdəmir.

Səni oyunda görək,
Dəfnədən çələng hörək.
Heç zaman dəyməz yerə,
Dizin,Şirvan Kürdəmir.

Oyunlar olacaqdır,
Tribuna dolacaqdır.
Tarixdə qalacaqdır,
Izin, Şirvan Kürdəmir.

Rəqiblər qarışır, bax,
Zəfərçün yarışır bax.
Yenidən alışır,bax,
Közün, Şirvan Kürdəmir.

Öz yerini alacaq,
Gözlərimiz dolacaq.
Dildə dastan olacaq,
Sözün, Şirvan Kürdəmir.