Şîrîna Ber Dilê Min Şiiri - Zandar Amari

Min divê tu her şîrîn bî
Şîrîn a ber dilê min bî
Kulîlka nav rez û dahlan
Bahara vî dilê min bî

Min divê tu kevanî bî
Kevanî ya mala min bî
Xweşik û rindika mal
Coşîya hêlîna min bî

Min divê tu jîna dil bî
Jiyana dilê reben bî
Hizr û raman, geşîy'u can
Hiş û mejiyê serî bî

Min divê tu li cem min bî
Li cem min nav dilê min bî
Samax û hedana vî dil
Heval û hogira min bî

Min divê tu germahî bî
Germahîya nava min bî
Çilê vistana qerisî
Cil û bergên laşê min bî

Min divê tu her gîyan bî
Gîyana zerredê min bî
Jîn û jiyan, can û canan
Rawestîya gerya min bî