Şirîkê Derba Ewil Şiiri - Roza Metina

Bi min biqiruncin
Da ku serê xwe ji ser balîfa maran rakim
Û diranên li dijî kolberên
Bi taya zikê xwe ketine
Diqirqiçin
Ji kokê rakim.
Kefenên sitûşikestên, şîrê pêsîra kul diherike
Diqusînin
Û bi kibra fîraûn rûyê xwe reş dikin
Bişewitînim.
Nehêlim bibin
Şîrîkê derba ewil a cênîkê disincirîne,
Miriyên ji ber ezaba qebrê
Sînga xwe diqelêşin.
Nehêlim bê hejandin
Dergûşa bi tenî ya li warekî malmîrat
A berateyên kevokên penaber
Di hundurê xwe de vedişêre .
Goştê meytê genî bûye
Bi çongên xwe yên diricifin
Hilgirim
Û ber bi Geliyê Bertûlê
Bihuşta li Qûntarê Çiyayê Gebarê, veşartî
Bimeşim.