Şiir qoşdum Şiiri - Sevinc Arzulu

Evi tikilib, himsə yox,
Sazı əlində, simsə yox.
Qapımı döymə, kimsə yox,
Çoxdan mənim qəlbim boşdur.

Xəzər kimi çağlamağım,
Hönkür-hönkür ağlamağım,
Ürəkləri dağlamağım,,
Deyəsən tək sənə xoşdur.

Fələk, su qatma aşıma,
Toxunma dərd sirdaşıma.
Fır-fır fırlanır başıma,
Sanasan dünya sərxoşdur.

Harayına zəmanə kar,
Gen kainat başına dar.
Görürsən , susub nəğməkar,
Xoş söz ilə könlün coşdur.

Açıb bənövşə kolları,
Uzanı qalıb qolları.
O qədər yordum yolları,
Sonunda bir şeir qoşdum.