Şeytanın qulu Şiiri - Sevinc Arzulu

Varı bölməyəcəksən,
Çün “Uludan ulusan”.
Qorxma, ölməyəcəksən,
Hələ canı sulusan.

Alışacaq közsən ki,
Alovuna dözsən ki...
O qədər acgözsən ki,
Sən nəfsinin qulusan.

Fələk yaman seçimdə,
Bığaltından keçim də...
Ikiniz bir biçimdə,
Sən şeytanın dulusan.

Su töksən quyu dolmur,
Həsrət saralıb solmur.
Səni xərcləmək olmur,
O dünyanın pulusan.

Dildə gəzər söhbətin,
Ediləcək qiybətin.
Nə qədrin, nə qiymətin,
Çün eşşəyin çulusan.