Şeytanın Şiiri - Sevinc Arzulu

Kədərin qovuşar hər vaxt dərdlə bil,
Kişilik yaraşır təkcə mərdə,bil.
Atalar deyib ki sən də hərdənbir,
Sözünə qulaq as dəli şeytanın.

Yolumu azarsam dumanda,çəndə
Neynərəm,İlahi mən yazıq bəndə.
Nədən çox ağırlıq edir bəzən də,
Çiynimin üstündə əli şeytanın.

Dünyanı idarə edər qaralar,
Yayın yay günündə düzü qar alar.
Bir müddət keçməmiş rəngi qaralar,
Parlamaz almazı,lə`li şeytanın.