Sevmesen nolar Şiiri - Sevinc Arzulu

Ayrılıq utanmaz heç üst-başından,
Boyun almadığı milyon yaşından.
Dünyanın qapqara əzab aşından,
Yesən nə olar ki,yeməsən nolar.

Həsrətin söndürdü könül közümü,
Ilahi çox gördü səbri,dözümü.
Məhkəmə günündə mən son sözümü,
Desəm nə olar ki,deməsəm nolar.

Yoruldum illərin daş yoxuşunda,
Azaraq qaldım mən toxunuşunda.
Eh,Sevinc.ömrün bu əlli yaşında,
Sevsən nə olar ki,sevməsən nolar.