Bu gün mnim ad günüm Şiiri - Sevinc Arzulu

Mübarəkdir ad günün,
Ay mənim Sevinc bacım.
Bu gün sənin şad günün,
Heç dayanma dinc, bacım.

Hamı ilə danış, gül
Səsin ucadan gəlsin.
Nəğməylə dolsun könül,
Səmayadək yüksəlsin.

Gör həyatda tənhalıq,
Səninlə yollaşırmı.
Təəssüf ki çox erkən,
Itirdin yoldaşını.

Üç qızına tək ana,
Olmadın ki sən bacı.
Döyünən ürək ,Ana,
Ailənin baş tacı.

Arzuların müqəddəs,
Ümidlərin tükənməz.
Uzağı görməyən şəxs,
Gözəl saray tikəmməz.

O sarayın içində,
Yaşayın əmin-aman.
Sənin əsl qiymətini,
Əsirgəməz ki zaman.

Gülə-gülə yaxınlaşar
Sənə Könül, Elnarə.
Fərəhləri aşıb-daşar,
Hər müşkülünə çarə.

Müğənnidir şükür, indi
O körpəcə Gülayın.
Sonsuz kainat sənindi,
Nəvələr ulduz, ayın.

Xoşbəxtliyin qapıları,
Üzünüzə acılsın.
Təbəssümün şüaları,
Ömrünüzə saçılsın.

Istəyirəm hər bir Ana,
Dünyada xoşbəxt olsun.
Ürəyində Tanrısına
Böyük məhəbbət olsun.

Sən də mənim adaşımsan,
Sözləri inci bacım.
Dostlarının sirdaşısan,
Elin Sevinci bacım.

27.06.2018