Sevincime Şiiri - Sevinc Arzulu

Dalğalar qoynunda üzdüm sal kimi,
Dayanıb durmadım bir xəyal kimi.

Daha nəğmə çalmır könlümün simi,
Fikirlər donubdur sırsıra kimi.

Gümanım ipisti yaya qalıbdır,
Suları tərtəmiz çaya qalıbdır.

Suda əl-üzümü yuyaram hökmən,
Buz tək soyuqluğu duyaram hökmən.

O zaman paklanar arzum, xəyalım,
Daha yaxın gəlməz dərdi-məlalım.

Ürəkdən sevinib mən də şadlanım,
Ən gözəl duyğulu şairə adlanım.

Nə olar, hər sözdən küsüb incimə,
Qoşul Sevincinin saf sevincinə.