Sevgi şerimsen Şiiri - Sevinc Arzulu

Qat-qarış görülən yuxular kimi,
Bu bühuş edici qoxular kimi,
Həsrətdən od təkin qorxular kimi,
Mənim yozulmayan sevgi şeirmsən.

Ay mənim illərdir yol gözləyənim,
Sinəsi üstündə köz közləyənim.
Bir ümidverici söz özləyənim,
Mənim yazılmayan sevgi şeirmsən.

Bircə xəbər göndər, bilim hardasan,
Həmişə qışdasan, boran-qardasan,
Bəlkə çətindəsən, bəlkə dardasan.
Mənim yaz olmayan sevgi şeirmsən.