Sevgi nağılı Şiiri - Sevinc Arzulu

Fələk arzusuna sanki yetibdi,
Dünyadan vüsala möhtac gedibdi.
Neçəsin Leyli və Məcnun edibdi,
Qoymaz başda qala sevgi ağılı.

Həsrəti qapıda gözlədirəm mən,
Hicranın yolunu izlədirəm mən.
Könlümü hamıdan gizlədirəm mən,
Açarsam dünyaya sevgi dağılı.

Acılı günlərim eh, tez ötüşsün,
Yenə də gül ilə bülbül öpüşsün.
Sonunda səmadan üç alma düşsün,
Həsrətlə bitməsin sevgi nağılı.
Gözümdən itməsin sevgi nağılı.