Sevdasını dananım Şiiri - Sevinc Arzulu

Payızımı qaynar, isi yay edən,
Əhvalımı acı sözlə zay edən.
Üzüb məni, üzərriyə tay edən,
Atəşinə məndən də çox yananım.

Gəzir çölli-biyabanı tək, veyil,
Məcnun olan haqq aşiqi qəm yeyir.
Gör titrəyən şam işığı nə deyir.
Dara düşsə sevdasını dananım,

Deyən yenə ürəyinə aş düşüb,
Onunçun də gözlərindən yaş düşüb.
Bu qədərmi ağlın azıb,çaş düşüb,
Özgürlüyü əhli-keflik qananım.
03.12.2018