Sevdalıyam Şiiri - Sevinc Arzulu

Günəş ilə yarışan,
Külək ilə barışan,
Tanrı ilə danışan,
Lal ruhun xəyalıyam.
Tək sənə sevdalıyam.

Burulubdur bax puçum,
Tək səni sevmək suçum.
Dörd yandan etmə hucum,
Bilirəm, xətalıyam.
Tək sənə sevdalıyam.

Ayrılıq gəldi baha,
Döndüm naləyə, aha.
Adlıqdan çıxdım daha,
İsmin yönlük halıyam,
Tək sənə sevdalıyam.

Ay qəlbimin sevinci,
Olma dərdin girinci.
Sən dünyanın ən dinci,
Mənsə qeylü-qalıyam.
Tək sənə sevdalıyam.

Seçilmə kəpənəkdən,
Zövq al güldən-çiçəkdən.
İilmələri ipəkdən,
Zərif, incə xalıyam.
Tək sənə sevdalıyam.