Şervan Nadın Welatê Me

Çiyan neman newal neman
Te digerim eman eman
Agir barî dilê min de
Pir xemgînim ketim xeman

Ez bêgavim ez bêzarim
Tim dihelim û dizarim
Ji derdan e û êşan e
Xem û keser, kul hezar im

Şêr û cengewarê me yî
Tu dozvanê gelê me yî
Bi salan e maf dixwazî
Lawê me yî canê me yî

Nîgarê te destê min de
Bêhna te jî canê min de
Bi ber dem hişê min de yî
Wek hêvîya dilê min de

Berxwe bide dozvanê me
Rizgar dibe welatê me
Neyarên me ji dizanin
Şervan nadin welatê me

05.10.2014
Stenbol