Serê Sibehê Şiiri - Ahmet Baygümüş

Li serê vê sibehê
Dîsa ketim nav êş û elem
Kul û keserê bê nav.
Xeyal ên dereng mayî.
Xewnerojk ên bi xunav.
Bexçeyê xemgîn.
Kulîlkên êtîm dibînim.
Sosin ên stuxwar.
Roj xeyîdîye îro,
Dernakeve di bin ewran.
Êdî naherike çemê dilê min.
Fetisîn li ser zimanê min,
Gotinên şermoke.
Pirpitî Laşên min,
Di nav bê çarebûnê de.
Were ji minre bibe derman
Di baxçê min de vekin kulîlk
Bila îro roj biken derkeve
Bila biherike şad û bextewar,
Çemê dilê min.
Bila dayne lerza bedena min.
Li hev werin roj û heyv.
Bila bizvirin li warê xwe,
Xeyalên min ê penaber.
Ziwa bin rondikên çavên min.
Were;
De were,kulîkekê dayne li ser gora min...

26 Şubat 2015