Serdilkê Were Ba Min Şiiri - Mehmet Çoba ...

Kenên te mîhrîcan e
Her dêmên te bihar e
Ez bendewarê te me
Mala me ber gihar e

Tu şadî tu aramî
Sorgula çiqilanî
Bête jiyan herame
Tu vejîna dilanî

Serdilkê were ba min
Vê demê benda te me
Lê xezala bêhempa
Heyrana çavê te me

Tu çare tu şîfa yî
Mîna gulebûkayî
Min re xewn û xeyalî
Tu keça gundê me yî

Delalîya dilê min
Ez bê te ker û gêjim
Tu qet min nexeyîde
Ez te ra can dibêjim

Kêyfa min jî te re tê
Tu kewa zinara yî
Li nûra nav rojanî
Dermanê her derda yî

Mehmet Çobanoglu
03.03.2019
Stanbol