Sensizliyim Şiiri - Sevinc Arzulu

Ağrısını illər boyu çəkəcəm də,
Darıxanda tprpaq üstə çökəcəm də.
Dərd çıxarıb yerində qəm əkəcəm də,
Gözlərimdə qan-yaş olar sənsizliyim.

Qəribə bir nisgil yaşar gecəsində, gündüzündə,
Min bir ətir iyi gələr çəmənində, gül düzündə.
Tanrı qara xal da qoyub al lalənin gül üzündə,
Çətin mənlə adaş olar sənsizliyim.

Mənimçün də çalınacaq bir gün son zəng,
Əynimə geydiyim libas olacaqdır tamam ağ rəng.
Şair qəlbim ayrılığın qüssəsiylə həmahəng,
Ürəyimdə lal daş olar sənsizliyim.