Yarpaqlanar yaşıl-yaşıl,
Pardaqlanar işıl-işıl.
Çardaqlanar mışıl-mışıl,
Sənsiz qalan xatirələr.
Ürəyimi oyub gedər,
Nəmizini qoyub gedər.
Göz yaşımdan doyub gedər,
Sənsiz qalan xatirələr.
Al çərpələng uçurdar hey,
Buz kimi su içirdər hey.
Ilhamımı qaçırdar hey,
Sənsiz qalan xatirələr.
Vüsalımla dilləşməyib,
Arazlaşıb lilləşməyib.
Tək qalmağa öyrəşməyib,
Sənsiz qalan xatirələr.
Göydən yerə enəcəkdir,
Ürəyimdə sönəcəkdir.
Bir gün geri dönəcəkdir,
Sənsiz qalan xatirələr.
07.02.2019.
Sevinc Arzulu
Kayıt Tarihi : 23.2.2019 15:58:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!