Senin kalbin bu sevgiyi duymadı

Nə etdimsə, boşa getdi əməyim,
Sənin qəlbin bu sevgini duymadı…
Mənə qaldı boş “sevirəm” deməyim,
Sənin qəlbin bu sevgini duymadı…

Dərd edərdim yanağında yaş olsa,
Atılardım, səninçün savaş olsa,
Bu sevgidən, çiçəklərdi daş olsa,
Sənin qəlbin bu sevgini duymadı…

Məhəbbətim hər tərəfə car oldu,
Nakam eşqim el içində xar oldu,
Dilin susdu , qulaqların kar oldu,
Sənin qəlbin bu sevgini duymadı…

Ahlarımı götürmədi dağ-dərə ,
Gecələrim açılmadı xeyirə,
Şair oldum… sevgim döndü şeirə,
Sənin qəlbin bu sevgini duymadı…

Ruhum səni ən əzizi saydı da…
Ürəyimdə dərin yerə qoydu da…
Bütün aləm, bütün cahan duydu da…
Sənin qəlbin bu sevgini duymadı…