Seni sevirim Şiiri - Sevinc Arzulu

Mənə xoşbəxtlik gətir
İlim, səni sevirəm.
Sözündən yağır ətir,
Dilim, səni sevirəm.

Kədər ömür karvanı,
Şair onun sarvanı.
Mənə doğma Şirvanım,
Milim, səni sevirəm.

Ay ümidim, gümanım,
Məndən qayğı umanım.
Sən ol sisim, dumanım,
Tülüm, səni sevirəm.

Xoş fikirli, xəyallı
Çiçəklər gedər yallı.
Laləsi qara xallı,
Çölüm, səni sevirəm.

Bəm çalar qamış neyim,
Əynimə kəfən geyim.
Dünyadan köçsəm deyim:
-“Ölüm, səni sevirəm”.