Seni bulmag-ıçun işüm talebdür
Taleb maksûdı bulmaga sebebdür
Hızırdur Âb-ı Hayvâna irişmiş
Beñüñ kim lalüñ-ile leb-be-lebdür
Yüzüñ-ile gözüñ katında añmah
Gül-ile nergisi terk-i edebdür
Yüzüñe vâlihem zülfüñe hayrân
Belî dâm-ı belâ hoœ rûz u şebdür
Sabâh u nev-bahâr u bülbül ü gül
Sabûh iç kim dem-i ayş ü tarabdür
Hilâl-i îddür kaşuñ elüme
Kadeh sunsân diye mi kim recebdür
Kalem yazdugı nesne ayruhsı olmaz
Bu zühd ü bu riyâ pes ne taabdür
Furât u Âb-ı Hızr u havz-ı kevser
Kamusı teşne-i mâü’l-inebdür
Gözüñ vasfında sözin Ahmedînüñ
İşiden dir bu ne sihr-i acebdür
Kayıt Tarihi : 20.9.2016 16:16:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!