Sene yazıram Şiiri - Sevinc Arzulu

Əzizım,deyirəm nə vaxtsa bir gün,
Əllərim əlinə toxunacaqmı.
Şəninə yazdığım şeir-əsərlər,
Sənin tərəfindən oxunacaqmı.

Sən duya bilərsən könül qəmimi,
Yazdığım şeirdə,dediyim sözdə.
Çiskinli payızın duman-çənini,
Sən görə bilərsən ağlar,nəm gözdə.

Bəlkə də mənim tək dərd çəkməyirsən,
Sənin öz dünyan var,mənim öz dünyam.
Öz könül baxçanda qəm əkməyirsən,
Sənə tanış deyil mənim söz dünyam.

Çəkdiyim ağrını şeirə çevirib,
Misralar içində hərdən azıram.
Əzizim,otaqda tənha oturub,
Bu şeri tək sənə,sənə yazıram.