Sene minnetdaram Şiiri - Sevinc Arzulu

Boylanaraq hey quzeyə,
Yollarına yağan qaram.
Ürəyim dönüb muzeyə,
Savgisinə sadiq yaram.
Gülüm,sənə minnətdaram.

Bağımda gül bitirmişəm,
Sənə dəstə gətirmişəm.
Lal könlümü itirmişəm,
Ov axtaran tərlan,saram.
Gülüm,sənə minnətdaram.

Şeir yazdım məhəbbətdən,
Uzaq düşdüm şan-şöhrətdən.
Yoğrulmuşam sədaqətdən,
Satqınlarla yoxdur aram.
Gülüm,sənə minnətdaram.

Kədərin evin yıxaram,
Çətin qəlbimi sıxaram.
Nə eşqə xain çıxaram,
Nə bülbülə rəqib xaram,
Gülüm,sənə minnətdaram.

Çiçəyəm.saman deyiləm,
Yaxşıyam,yaman deyiləm.
Inləyən kaman deyiləm,
Şən musiqi çalan taram,
Gülüm,sənə minnətdaram.