Şen görürüm Şiiri - Sevinc Arzulu

Bir az nəmli gözlərində,
Xəyal dəmli gözlərində,
Sənin qəmli gözlərində,
Duman duyur, çən görürəm.

Darıxmırsan qərib eldə,
Dağ çayı tək coşan seldə.
Qızılıya çalan teldə,
Indi bəyaz dən görürəm.

Tərk eləyib postlarını,
Unuduban tostlarını.
Bir vaxt əziz dostlarımı
Düşmən ilə tən görürəm.

Dünənimiz getdi boşa,
Bu günümüz gəlməz xoşa.
Səni əğyar ilə qoşa,
Nə yaxşı tək mən görürəm.

Arzularım qanad açar,
Qartal tək zirvəyə uçar.
Sonunda köksümü qucar,
Çox mehriban, şən görürəm.