Sen geldin ömrüme Şiiri - Sevinc Arzulu

Sən gəldin ömrümə bir mələk kimi,
Sevgidən güc alıb inadlanmışam.
Mən gəldim ömrünə kür külək kimi,
Sevincdən ucalıb qanadlanmısan

Sən mələk, mən külək. Haqqıq hansımız,
Görən çalacaqmı məhəbbət zəfər.
Bilirəm, var bizim bircə şansımız,
Gözləyir qarşıda çox uzun səfər.

Birgə addımlayaq bu uzaq yolu,
Sən məni, mən səni hey əzizləyək.
Qıraq önümüzdən tikanlı kolu,
Sevgi dünyamızı cüt təmizləyək.