Sen anla Şiiri - Sevinc Arzulu

Çox çətin əvvəlki tək mehriban, şən olacam.
Pastlaşsaq üz çevirən yenə də mən olacam.
Çırpınaraq duracam xəyalların içində,
Məni tanımazlar ki ağappaq qu biçimdə.

Məhəbbətin sultanı, padişahı sən oldun,
Dağılmış xanimanı, nalə-ahı mən oldum.
Getməyimi istəmirdin,qabağımı kəsərdin.
Ah, başımın üstündəcə tufan olub əsərdin.

Sındırardın ayrılığın uzanılı qolunu,
Bağlayardın daş həsrətin mənə gələn yolunu.
Daha gecdir, çox heyif ki dost olmadın vüsalla,
Heç olmasa günahını başa düşüb sən anla...