Sen ağlama Şiiri - Sevinc Arzulu

Qəlbdə ucaltdıb büstünü,
Yaşayarıq tən,ağlama.
Alsa başının üstünü.
Duman,çiskin,çən ağlama.

Bel bağlayıb mərhəmətə,
Layiq olma məzəmmətə.
Sadiq qalıb məhəbbətə,
Döz həsrətə sən,ağlama.

Su dayazdır,get dərinə,
Həsrət qalmayaq sərinə.
Gülüm,sənin də yerinə
Ağlayaram mən,ağlama.

Ək qızılgül kollarını.
Uzat mənə qollarını.
Qayıt geri,yollarını
Gözləyir Vətən,ağlama.

Ömrün ən gözəl çağında,
Sevinc,fərəh sol-sağında.
Meyvəli,yaşıl bağında
Qızılgül bitən,ağlama.
Gül içrə itən,ağlama.