Şems Şiiri - Hediyye Şefaqet

Sən bir də doğulmaq istərsənmi, Şəms?
İstərsənmi?
İstərsənmi...

İstərsənmi,
Gecələr
Daş divarlı qaranlıq hücrələrin
Soyuq döşəməsində uyumaq,
Gündüzlər
Dar dəhlizlərində dolaşmaq məbədin...
Eşq!

Və gözləmək...

Sonra
Uzuuuun bir yolçuluq
Başlarkən...
Ruhun
Kəpənək qanadları kimi zərif
Ayaq səslərin
Torpağın ovcunda daşınırmış kimi
Yumşaq...
Özün
Külək-külək şeirlər kimi azad
Olacaqsan...

Və sən
Son baharda,
Açılarkən
Sarı çöllərdə ümid çiçəkləri...
Bir daha məndən doğulmaq istərsənmi,
Şəms,
İstərsənmi?...

Bətnim-məbəd kimidir,
Şəms,
Məbəd kimidir...

Gəl!