Şeirler Şiiri - Sevinc Arzulu

Bəzəksiz libaslar əynimdə ölür,
Günahsız fikirlər eynimdə ölür.
Beynimdə yaranır, beynimdə ölür,
Hələ doğulmamış yazıq şeirlər.

Yenə də duyğular varaq-varaqdır,
Misralar, sətirlər calaq-calaqdır.
Romanlar, povestlər qalaq-qalaqdır,
Bir görün, necə də azıq, şeirlər.

Doğma Yer kürəsi balaca gəlir,
Lalələr, nərgizlər yamaca gəlir.
Gələndə aramla, astaca gəlir,
Yolu-yolağası qazıq şeirlər.
4.5.2013