Şehe dönmüşüm Şiiri - Sevinc Arzulu

Durmuşam dörd yolun qəm qovşağında,
Ölümçün verilən behə dönmüşəm.
Əzizim,səninçün göy qurşağında,
Yeddi əlvan rəngli zehə dönmüşəm.

Qüssədən,kədərdən ürək yatmayır,
Sənin saf sevgini başdan atmayır.
Neynəyim,əlinə əlim çatmayır,
Telini oynadan mehə dönmüşəm.

Od aldım atəşin közdən,əzizim,
Qəlb küsər tə`nəli sözdən,əızizim.
Süzülüb bir ala gözdən,əzizim,
Gül üstdə parlayan şehə dönmüşəm.