Sebir ver Şiiri - Sevinc Arzulu

Onu görcək itirirəm özümü,
Gözlərinə dikəmmirəm gözümü.
Ey Allahım, əsirgəmə dözümü,
Bu cəfanı çəkməyə lal səbir, ver.

Bilirəm ki, məndən yaman gileyli,
Başqasına salacaqmı o, meyli.
Qovuşmadıq. O Məcnun, mən də Leyli,
Dolaşmağa bir Səhrayi-Kəbir ver.

Namərdə döndərmə, İlahi, mərdi,
Mərd çəkə bilərmi bu ağır dərdi.
Oynaya bilmirəm onsuz da nərdi,
İstərsən ya sə-dü,ya da sə- bir ver.