Sebir daşıyam Şiiri - Sevinc Arzulu

Sönməz günəşiydin şeir dünyamın,
Dadlı duyğusuydun şirin röyanın,
Qəmə məxsus olan qanlı qayanın,
Nə bir çınqılıyam, nə bir daşıyam.

Yalanın pərdəsi soyulacaqdır,
Qüssədən, bir anda doyulacaqdır.
Ölsəm başım üstdə qoyulacaqdır,
Mərmədən qoyulan qəbir daşıyam.

Hər eldə, obada səni gəzirəm,
Fələyin kələfin çətin çözürəm.
Mən dağam ki, ayrılığa dözürəm
Kədərdən çatlamaz səbir daşıyam.