Sê Şînahî Şiiri - Suat Öner

Asîman, derya û çavên te
Kîjan rastî, kîjan derewî
Nezanî bû min

Ew dem bûm teyrek baz
Firîyam âsîman
Min dîd ku winda bûn
Şînahîya ber baskê min

Min zanî
Ew derew bû

Paşînê bûm masiyek
Ketim nav derya
Wê çax li ber çevên min
şînahî bû zelalî

Min zanî
ew jî derew bû

Vegerîyam ba te
Min dîd
Asîman ji derya,
Derya ji çevên te
rengê xwe hildaye

Dema te awire da min
Ne derya ma ne asîman
Ne masî, ne teyrê baz
Derîyê bîhuştê vebû li min
Ez ji xwe çûm

Min zanî
Yek rastîyek hebû
Ew jî çavên te bû