Saz olur Şiiri - Sevinc Arzulu

Göz önündə çiçəklərim,
Gözəllərim,göyçəklərim.
Derlər sarı ləçəklərin,
Ömrü az olur, az olur.

Qaya gələr daşdan sonra,
Ümid ölər kaşdan sonra.
Soyuq,qarlı qışdan sonra,
Bahar, yaz olur, yaz olur.

Sevənlərin tənasübü.
Məhəbbətin təcəssümü.
Yarın şirin təbəssümü,
Vallah, naz olur, naz olur.

Bərk yapışsan döğma əldən,
Boğulmazsan gələn seldə
Suyu təmiz, yaşıl göldə,
Ördək, qaz olur, qaz olur.

Çiçəkləri dərəndə mən,
Əlvan dəmənd hörəndə mən.
Xoşbəxtliyi görəndə mən,
Keyfim saz olur, saz olur.