Saxtadır Şiiri - Sevinc Arzulu

Qızılın da gümüş kimi parıldar,
Yaltaq dostlar qarğa kimi qarıldar.
Az üzümə baxıb,baxıb hırılda,
Axmaq insan, təbəssümün saxtadır.

Ruhən acsan, mənən cadugər, səfil.
Sənə rəqib olmaz çəkidə nə fil.
Allah qoysa günlərin biri qəfil,
Dayanacaq damarda qan, laxtadır.

Sən avara, sən sərgərdan, sən sail,
Yaxşılığa ola bilməzsən qail.
Yolun üstdə dayanıbdır Əzrail,
Son görüşün elə həmin vaxtadır.