Saxlamaz Şiiri - Sevinc Arzulu

Gəl zülməti gündüz eylə,
Dolayları dümdüz eylə.
Sən gördüyün quduz sellər,
Daha çağlamaz,çağlamaz.

Özün qəmə salan ürək,
Xəyallara dalan ürək.
Kim deyir tək qalan ürək,
Sənsiz ağlamaz,ağlamaz.

Qəm sındırdı qollarımı,
Soldurdu gül kollarımı..
Sənə gedən yollarımı,
Fələk bağlamaz,bağlamaz.

Könül çətin dostdan keçə,
Fikrimdəsən gündüz-gecə.
Qəfil ölüm,söylə necə,
Ürək dağlamaz,dağlamaz.

Həsrətin qəlbə hakimsə,
Kədər əbədi sakinsə.
Qovuşmaq istəsəm kimsə,
Məni saxlamaz,saxlamaz.