Savab Şiiri - Sevinc Arzulu

Səni məndən on addımlıq məsafə,
Ayırırdı, ayırmırdı.Nə bilim.
Cavabını tapmadığım məsələ,
Suallardan sayılmırdı? Nə bilim.

Nə bilim ki məsələnin cavabı,
Həll etdiyim tənliklərdə deyilmiş.
Mən etdiyim yaxşılığın savabı,
Qol açdığım şənliklərdə deyilmiş.

Yaxşılıq et, yamanlığa çək sipər,
Məhəbbətlə tellərini daraqla.
Ayrılığın baxışına ol çəpər,
Vüsalın al gülləriylə maraqlan...